Jan 13, 2008

رحيل






.

.

.

.

.



ملحوظة

النقاط بالأعلي محاولة للصمت .

حزن أول

ولست أعلم يا صديقي كيف يرحل الرحيل..
أو كيف لي أن أكتب تفاصيل السكون..
هلا تركت لي ممحاتك لأمحو بها خطوات الغياب..!!
هلا عدت وفتحت لي بوابة القلب الحنون..!!

صيفاً

وأنت تمر بالجوار..
حاذر من أن تطأ ذاكرتي..
تركتها لتجف .. بعدما بللها الحنين..


خريفاً

ربما يجد الآخرون أحباباً يتحدثون إليهم..
إلا أنني لم أعد أجد من أتحدث إليه..!!
غير كائن ٍ تاه في أحضان العتمة..
ولبـس عبـاءة الغياب..!!
كأنما يقايض وحدتي بصمت الرحيل..
كشراع ٍ مزق البحر رئتيه..
وعلمه الملح حلاوة اليابسة..!!

حزن ثان

اعتذر عن الحزن..
واعتذر عن الصمت..
فكلما وهبت نفسي للذكريات كنت وحدك من يمر بالجوار..
ماذا يعني الرحيل للباقين وراءنا ؟
كنت أمشي كظل يسابق غيمة تحن إلى الموت فقط لأنك هناك..!!
امنحني العبور إليك للحظات .. أريد أن أقول شيئاً..!!!!
خذني إليك .. هنا الوحدة كل شيء..!!!!
مللت من بـُعد لا ينتهي..!!



حزن مؤجل

لماذا ياصاحبي تعيرني الصمت..؟
ألم أعرك ذات يوم فصاحة الكلام..!!
لماذا تجعل الموت يسكن الحنجرة..؟
لأظل أبحث بين الأنام..
عن عين ..ٍ
لاتـنـام..!!



9 comments:

اسكندراني اوي said...

التلات بوستات الاخيره كده ما طتمنش
حزن شديد وشجن كبييير
بيطل من كلمات البوست الاخير
اهي حاله
ام فكره

ربنا معاكي

mano said...

هى حاله ولو انى لا اخرج منها ابدا ولكن هل المطلوب منا ان نعيش من اجل الاخرين ونسعد لسعادتهم ولا نستطيع ان نسعد انفسنا لذاتنا اى منطق هذا الذى يقتضى سعادة الانسان لسعادة الاخرين فقط ولكنه لا يجد فى نفسه السعاده التى يرجوها

مصطفى السيد سمير said...

يعني مش أنا لوحدي اللي ملاحظ كدة
كويس
باقول لك يا مانو
زمان قالوا
الشباك دة جزء من الحيطة
لا
الشباك دة جزء من السما

لك تحيتي
وابقى افتحى الشباك

gohayna said...

مقلق جدا


المود المستمر دا


رغم اني كنته فيه لفتره من الزمن

فيمكن اكون مقدره او حاسه بمشاعرك اوي
لكن يا عزيزتي اكيد هيجي يوم وتلاقي فيه بريق يسعد قلبك ويهدي نفسك

ويغيرلك كل حياتك

صدقيني

ويارب اليوم دا يجي بسرعه

بس لما يجي متنسيش تطمنيني عليك

اتمنالك كل الخير والصحه والسعاده يارب العالمين

تحياتي ليك جدا جدا جدا

mano said...

مصطفى بجد ميرسى جدا على تعليقك الجميل وشكرا على متابعتك للمدونه بس على فكره انا فتحت الشباك مره ولقيت فيه احلى شىء ممكن اى انسان يلاقيه وعلى فكره مش عايزه اقفل الشباك ده لانه اجمل من اجمل شىء ممكن اى حد يتصوره

mano said...

جهينه
اخيرا يا جيجى نورتى البلوج عندى بجد انتى انسانه رقيقه جدا وميرسى كتير على تعليقك وامنياتك الغاليه ويا ريت على طول تبقى منوره المدونه عندى على فكره انت وحشتينى جدا بعد العيد غبتى فتره طويله وانا بصراحه من اشد المعجبات بكتاباتك مره تانيه اهلا بيكى والمدونه نورت بوجودك

الاسطى said...

السلام عليكم
أول تعليقاتى مدونتك يا أخت مانو و إن شاء الله لن تكون الأخيرة ..
انا قريت البوست دا بس .. صدقينى شجعنى اقرى الباقى كله ...
الأسلوب فوق الممتاز ... تسمحيلى أضيف لينك مدونتك فى قائمة المدونات عندى ..؟
نتكلم عن النص بقى لوحده ..
على فكرة فى تعبيرات جديدة اوى قريتها عندك .. ممكن ماتكونشى جديدة ولا حاجة بس انا شخصيا معجب بيها اوى ..
على سبيل المثال ..
يرحل الرحيل
تفاصيل السكون
خطوات الغياب
--------------------
دائما المضاف و المضاف إليه -باستثناء المثال الأول -ليهم بريق خاص .. خصوصا لو ضفنالهم شىء من الخيال .. و كمان الموسيقى ...
عندك إحساس عالى أوى يا مانو ..
----------------
ربما يجد الآخرون أحباباً يتحدثون إليهم..
إلا أنني لم أعد أجد من أتحدث إليه..!!
-----------------
منتهى الروعة فى بساطة التعبير و عمق المعنى ...

-------------
فكلما وهبت نفسي للذكريات كنت وحدك من يمر بالجوار
----------------
الله أكبر .. جبتيها منين دى ..؟ صدقينى أسلوب فى منتهى الروعة و انا عن نفسى هاستفيد منك كتير
يسلم قلمك ..
و يسلم إحساسك

الاسطى said...

صحيح .. قريت فى رد ليكى إن دى حالة .. و إنك ما بتخرجيش منها أبدا .. ليه كده يا بنتى ..؟
خلى عندك دايما أمل فى الأحسن ...
يمكن تكون حالة إستعذاب العذاب .. و دى عند ناس كتير اوى ..
قاومى الحالة دى ... و خرجى نفسك منها .. لأنك مهما كان .. هاتعيشى حياة واحدة

mano said...

الاسطى
اهلا بيك فى مدونتى وانا اتشرف بان مدونتى تضاف عندك ثانيا انا متشكره جدا على مدحك للمدونه والموسيقى انا عاوزه اوضح شىء لكل من يأتى للمدونه انى انا مش بكتب كل الشعر ده ولا الخواطر اللى بكتبه بمضى عليه باسم مانو انما الباقى بكتب منقول من موقع كذا او من كتابات فلان وده للامانه وللعلم ولكنى اختار وانتقى افضل ما يمكن للقارىء انه يقراه وكمان بيعبر عن حالتى او شعورى او بكتب واعبر عن اللى جوايا بقلمى ببساطه شديده يمكن ده يعجب ناس ويمكن مش يعجب غيرهم وعموما اهلا باى حد يدخل مدونتى يقرا افكارى اللى بترجمها من خلال كتاباتى او من خلال ما انتقيه من كتابات اخرى واتمنى زيارتك فى اى وقت انت او اى مدون وكل سنه والجميع بخير ان شاء الله
ملحوظه الحاله دى مش ادمان للعذاب هى احساس موجود جوايا نتيجه لخبره او تجربه حسيتها وبجد اتمنيت اكون جديره بيها بس للاسف لا تأتى الرياح بم تشتهى السفن