عيد ميلادى

تخيلوا النهارده عيد ميلادى

جميل اوى ان الانسان يحتفل بعيد ميلاده وخصوصا لو كان فى مناسبات تانيه اجمل اولا احلى حاجه ان عيد ميلادى جاى مع عيد الاضحى بصراحه وقفه عرفات يوم مقدس فى حياتى بجد اليوم ده فيه معانى كتير بحسها وبفضل طول اليوم ادعى ربنا واتوب واتوب واتوب ما تستغربوش ايوه اتوب كلى ذنوب ليه ما انوبش لربنا متهيالى لو قعدت استغفر طول عمرى مش هقدر اكفر عن ذنوبى بس ثقتى فى عفو ربنا ورحمته اكبر بكتير من اللى ممكن اى بنى ادم يتخيله انا كنت بسمع حوار فى يوم للشيخ وجدى غنيم ومعاه الشيخ عمر عبد الكافى والشيخ صلاح سلطان بيقولوا فيه ان السموات والارض اتيتا طائعتين لله سبحانه وتعالى ورفضن حمل الامانه انه كان ظلوما جهولا وان الارض تقول يا رب هذا العبد عصاك دعنى انشق وابتلعه فانك اتيته النعمه ولم يشكرك وتقول الجبال دعنى اطبق عليه هذا العبد العاصى وتقول البحار يا رب هذا العاصى دعنى ابتلعه ولكن الله الرحمن الرحيم سبحانه وتعالى يقول اانتم خلقتموه يقولون لا يقول ذرونى وعبادى فاننى ارحم بالعبد من امه يا سبحان الله ربنا غفور للدرجه دى ايوه ومتهيالى ان كل واحد فينا لازم يراجع نفسه عشان يستغفر ربنا ويكفر عن ذنوبه يمكن ربنا يتقبل منه قبل ان ياتى يوم لا مرد فيه ويقول العبد رب ارجعون لعلى اعمل صالحا فيما تركت .وبدعى ربنا فى كل وقت اللهم اغفر لى ولامه سيدنا محمد عليه الصلاة والسلام مغفرة عامه وارحمنى وارحم امة نبينا سيدنا محمد رحمه عامه اللهم امين ويا ريت كلنا نأمن على هذا الدعاء يا رب اغفر يا رب تقبل واقبلنا فى عبادك واغمرنا برحمتك وهب لنا من لدنك رحمة انك انت التواب الرحيم